Risposta għall-Istqarrija tal-Oppożizzjoni

Transport Malta tirrifjuta kull akkuża ta’ diskriminazzjoni bejn il-ħaddiema tal-Awtorità u tikkonferma li qed timxi mal-liġijiet kollha f’dak li għandu x’jaqsam ma’ kundizzjonijiet talimpjieg. Tirrifjuta bl-iktar mod b’saħħtu kull akkuża li qed tinkiser il-liġi ta’ equal work for equal pay – anzi tikkonferma li dan il-prinċipju qed jiġi osservat f’kull ċirkostanza.

Fl-2024 Transport Malta kkonkludiet ftehimiet kollettivi li saħħew ħafna l-kundizzjonijiet talħaddiema, kif ukoll id-dritt li kulħadd jiġi stmat indaqs fi ħdan l-Awtorità. Dan huwa rifless ukoll fil-kundizzjonijiet tax-xogħol u l-pagi tal-ħaddiema tal-kuntratturi.

Huwa ċar illi l-kelliema mhumiex infurmati bir-riformi li qed isiru nkluż fil-mod kif iseħħu interviews interni u esterni sabiex nassiguraw ugwaljanza fil-mod kif iseħħu promozzjonijiet kif ukoll impjiegi ġodda mal-Awtorità.

L-Awtorità ma tidħolx fi kwistjonijiet partiġġjani, anzi hija sfortuna li tispiċċa suġġett ta’ konferenza stampa partiġġjana li titkellem fuq issues li mhumiex veritieri.