Aktar inċentivi minn Transport Malta għal soluzzjonijiet ta’ trasport aktar ambjentalment sostenibbli.

Transport Malta, b’kollaborazzjoni mal-Ministeru għat-Trasport, Infrastruttura u Xogħlijiet Pubbliċi, tniedi mill-ġdid inċentivi finanzjarji mfassla biex jippromwovu għażliet ta’ trasport aktar ambjentali u sostenibbli.

L-applikazzjonijiet għal dawn l-inċentivi huma miftuħa għas-sidien eliġibbli kollha tal-vetturi u jistgħu jinkisbu mill-uffiċini ta’ Transport Malta fil-Marsa jew Ħal-Lija jew onlajn permezz tal-website uffiċjali tal-Awtorità: www.transport.gov.mt

Dawn l-għotjiet iffinanzjati minn fondi nazzjonali, għandhom l-għan li jservu bħala mezz ta’ inkoraġġiment biex iżjed nies jagħżlu vetturi eko-effiċjenti f’konformità mal-impenn tal-gvern għal futur sostenibbli.

L-għotjiet jippromwovu aktar il-mobilità elettrika u t-tnaqqis tal-emissjonijiet fis-settur tat-trasport tat-triq permezz ta’ dawn l-inizjattivi:

1. 1. Ix-xiri ta’ vetturi elettriċi użati;
2. 2. Ix-xiri ta’ kick scooters elettriċi ġodda minn individwi;
3. 3. Ix-xiri ta’ vetturi aċċessibbli għas-siġġijiet tar-roti biex jintużaw bħala taxis jew vetturi Y-plate;
4. 4. L-użu tal-LPG bħala fjuwil li jissostitwixxi l-petrol jew id-diżil; u
5. 5. It-tagħmir ta’ apparat li jnaqqas l-emissjonijiet:

• Pannelli fotovoltajċi fuq vetturi heavy-duty u trailers biex jitnaqqas il-konsum tal-fjuwil u l-emissjoni tad-Dijossidu tal-Karbonju (CO2); u
• Sistemi ta’ propulsjoni elettrika tal-batterija fuq vetturi bil-mutur biex jiġu eliminati l-emissjonijiet mit-tailpipe.

Permezz ta’ dawn l-inizjattivi u oħrajn maħruġa fl-aħħar ġimgħat, Transport Malta tibqa’ kommessa li tkompli tippromovi iżjed prattiċi sostenibbli fid-dinja tat-trasport.

Aktar informazzjoni dwar l-inċentivi imsemmija:

Inċentiv Nru 1

Skema ta’ Għotjiet Finanzjarji, inkluża Skema tal-Iskrappjar, għax-xiri ta’ Vetturi Elettriċi użati fil-Kategorija L, M1 u N1, għal individwi, Kunsilli Lokali, organizzazzjonijiet volontarji, u impriżi.

Skema ta’ għotja finanzjarja b’għan li li tippromwovi aktar l-użu ta’ vetturi elettriċi użati fil-Kategorija L (muturi, triċikli u kwadriċikli), M1 (karozzi) u N1 (vannijiet), u l-konverżjoni tar-roti f’pedelecs. L-iskema għandha l-għan li tnaqqas in-numru ta’ vetturi bil-mutur konvenzjonali eqdem mit-triq permezz ta’ skema ta’ skrappjar maħsuba biex tipprovdi aktar appoġġ finanzjarju lill-applikanti li, waqt li jixtru u jirreġistraw vettura elettrika użata, ineħħu r-reġistrazzjoni ta’ vettura tal-kategorija L, M1 jew N1 li tkun aktar minn 10 snin mis-sena tal-manifattura tagħha.

L-ammonti tal-għotja li għandhom jitħallsu għal kull vettura elettrika użata fil-kategorija M1 u N1 mixtrija, huma suġġetti għall-kriterji ta’ eliġibilità stipulati fid-dokument tal-iskema, huma elenkati hawn taħt:

L-ammonti tal-għotja li għandhom jitħallsu meta vettura tal-Kategorija L, M1 jew N1 tiġi eliminata flimkien ma’ għotja għax-xiri ta’ vetturi elettriċi użati, huma elenkati hawn taħt.

* Il-vettura trid tkun ġiet irreġistrata Għawdex kontinwament bejn il-11 ta’ Ottubru 2021 u d-data tat-tmiem tagħha.

Inċentiv Nru. 2

Skema ta’ Għotja għax-xiri ta’ kick scooters elettriċi ġodda minn individwi.

Għotja finanzjarja għax-xiri ta’ e-kickscooters minn individwi għall-użu personali, li tippromwovi għażla ta’ trasport aktar attiva u ambjentalment sostenibbli. Taħt din l-iskema tapplika għotja ta’ darba ta’ €150.

Inċentiv Nru. 3

Għotja Finanzjarja fuq xiri ta’ Vetturi Aċċessibbli għas-Siġġu tar-Roti biex jintużaw għat-Trasport ta’ Passiġġieri għall-Kiri jew Premju bħala Taxis jew vetturi Y-Plate.

Għotja finanzjarja għall-liċenzjar ta’ vetturi ġodda aċċessibbli għas-siġġijiet tar-roti biex jintużaw għat-trasport ta’ passiġġieri għall-kiri jew premium u taxis sabiex persuni li jagħmlu użu mis-siġġijiet tar-roti jkollhom aċċess aktar faċli għal dawn is-servizzi tat-trasport. Sidien ta’ taxis jew Light Passenger Transport Operators jistgħu japplikaw u jirċievu għotja li tammonta għal €10,000 meta jagħtu liċenzja ta’ vettura ġdida tal-Kategorija M1 li tkun aċċessibbli għas-siġġu tar-roti biex tintuża taħt kwalunkwe waħda minn dawn il-liċenzji, u fl-istess ħin ineħħi r-reġistrazzjoni ta’ vettura fil-Kategorija M1 jew N1 li għandha mill-inqas għaxar (10) snin ta’ manifattura tagħha.

Inċentiv Nru. 4

Għotja Finanzjarja biex tippromwovi l-LPG bħala fjuwil alternattiv għall-vetturi minflok petrol jew diesel.

Skema bil-għan li jiġi nkoraġġiet l-użu tal-LPG bħala fjuwil alternattiv għal vetturi li jaħdmu bil-petrol jew id-diżil - miżura tal-baġit immirata biex tnaqqas aktar emissjonijiet mit-trasport tat-triq. Japplikaw l-ammonti ta’ għotja li ġejjin:

• €400 meta vettura tal-Kategorija M1 jew N1 (karozza tal-passiġġieri jew vann) li taħdem bil-petrol tiġi mgħammra biex topera bl-LPG jew bil-petrol;
• €900 meta vettura tal-Kategorija M1 jew N1 li taħdem bid-diesel tiġi mgħammra biex topera fuq LPG u diesel fl-istess ħin;
• €1,000 meta vettura tal-Kategorija M2 jew N2 li taħdem bid-diesel tiġi mgħammra biex topera fuq LPG u diesel fl-istess ħin;
• €1,500 meta vettura tal-Kategorija M3 jew N3 li taħdem bid-diesel tiġi mgħammra biex topera fuq LPG u diesel fl-istess ħin.

Inċentiv Nru. 5

Għotja finanzjarja għall-promozzjoni tat-Tgħamir ta’ Apparat għat-Tnaqqis tal-Emissjonijiet:

(a) Installazzjoni ta’ Pannelli Fotovoltajċi Approvati fuq vetturi heavy-duty u karrijiet.

Din l-iskema ta’ għotjiet għandha tinċentiva lis-sidien ta’ vetturi heavy-duty, bħal karozzi tal-linja, kowċis, minibuses, trakkijiet u trejlers biex inaqqsu l-konsum tal-fjuwil u l-emissjoni tad-Dijossidu tal-Karbonju (CO2) mill-vetturi bil-mutur tagħhom permezz tal-installazzjoni ta’ pannelli fotovoltajċi approvati. Din hija miżura oħra tal-baġit favur l-ambjent immirata biex tkompli tnaqqas l-emissjonijiet mit-traffiku fit-toroq.

L-ammont tal-għotja għall-installazzjoni ta’ pannelli fotovoltajċi approvati għandu jkun ugwali għal 80% tal-ispejjeż tal-investiment meħtieġa, iżda ma jaqbiżx il-limiti murija fit-tabella hawn taħt:

(b) Tagħmir ta’ sistemi ta’ propulsjoni elettrika tal-batterija approvati fuq vetturi bil-mutur.

Din l-iskema ta’ għotjiet għandha tinċentiva lis-sidien ta’ vetturi bil-mutur tad-diżil u tal-petrol biex jeliminaw l-emissjonijiet mit-tailpipe tal-vetturi bil-mutur tagħhom permezz tat-tagħmir ta’ sistemi ta’ propulsjoni elettrika tal-batterija. Ammont ta’ għotja ugwali għal 80% ta’ l-ispejjeż ta’ investiment meħtieġa għat-tagħmir ta’ ta’ sistemi ta’ propulsjoni elettrika tal-batterija għandu jinħareġ lis-sidien reġistrati. L-ammont tal-għotja m’għandux jaqbeż €20,000 fil-każ ta’ vetturi tal-Kategorija M1 u N1, €40,000 fil-każ ta’ vetturi tal-Kategorija M2 u N2, u €80,000 fil-każ ta’ vetturi tal-Kategorija M3 u N3.